PGU Nu高達製作後記✏️✏️

模極限 HOBBYLINKIN / 摘文日期：2026-04-22

 

 

撇開價錢而言，呢隻係一隻有心思嘅作品，運用左大量嘅隱藏水口、分割式結構、難度拆解、板件分割等等。透過分類去整合要處理嘅資訊，並減低雜訊對玩家嘅干擾。

 

 

喺排版上，將一個整體細分成多個需要處理嘅小任務，等玩家喺每個階段都能夠累積滿足感同成功感，從而推動玩家去完成整件作品。

 

 

但喺部份嘅細節上面，亦都睇得出設計師「捉到鹿唔識脫角」，譬如片狀浮游炮感測器運用大面積嘅貼紙作為表達方法，理解到當中嘅原因係想仿效坊間嘅一啲做法。但作為開模方嘅Bandai，理應有技術為呢個部份，提供更精準同更細緻嘅呈現。

 

 

話雖如此，不過解體匠機在前，又難免用力過猛。總括而言，PGU Nu Gundam 都係Bandai技術「力的表現」。

 

 

喺組裝方面，由於工序極多，機體表面亦充滿各類細節，故此今次嘅做法亦係透過分色嚟提升層次感，最終耗時大約一個多月先至完成，對專員嘅意志力而言，係相當大嘅考驗。